شخص ما يكتب || أيوة .. أنا من فلول الثورة.

بعترف اني بقيت مريض نفسي .. مريض بالثورة اللي حفرت جوايا مساحة كبيرة عشان تبيني عليها مستقبلها .. وفجأة لمت العمال ومشيت وسابت الحفرة من غير ما تكمل مبناها أو توصل لغايتها ..

بعترف أنها سابت جوايا أساس لإنسان محترم .. انسان بيسعي لتحقيق أهدافها … انسان كان عايش ليها ومن بعدها خبط كتير والحفرة اللي جواه سببتله أكتئاب وتشوهات وفراغ ..

حفرة خلتني عامل زي صاحب البيت اللي فلس وهو بيبني حتة أرض ومش قادر يكمل وعليه ديون كتيير مش عارف يسدها .. وفضل قاعد في الحفرة بيولول .. مش عارف يعمل ايه بيها .. ولا هي بقت مبني كبير يفتخر بيه ويعيش فيه .. ولا هي لسه الخرابة اللي كان عايش فيها ..

ثورة فلست .. صرفت كل اللي حيلتها من مظاهرات ومسيرات وإضرابات واعتصامات .. صرفت كل اللي حيلتها وقعدت من غير حاجة تولول .. أيوة هي صاحب الأرض المبذر الغبي.

ثورة سابتني عايش في الحفرة مع ذكريات كتير أغلبها مؤلم ..

سابتني مع أيام عشت فيها تحت الضرب وبنام علي الأرض في الميدان .. سابتني عايش في نوفمبر. ….

To Be continued …

Posted with WordPress for BlackBerry.

Advertisements