شخص ما يكتب عن || ذكرى أنهيار الحائط المقدس بريشة الرسام

مع شباب 6 ابريل في ميدان التحرير في ذكري اعتقال علي الحلبي

اليوم ذكري أنهيار الحائط المقدس بعد التعدي عليه بالألوان العنيفة لعزل الفلول من الحياه السياسية … في مثل هذا اليوم من العام الأول للثورة المصرية أعتقل صديق العمر والطفولة والثورة علي الحلبي وكانت التهمه التعدي علي منشأة عسكرية … بكل بساطة علي كان بيشخبط على الحيطة.

في مثل هذا اليوم أعتقل علي الطيب الهادي الجدع ابن الناس الكويسين اللي اتحبس بسبب حبه للثورة عشان كتب على حيطة “حد أدني للأجور للي

 عايشين في القبور وحد اقصي للأجور للي ساكنين القصور”

في ذكري اعتقال علي الحلبي زي انهارده من سنة فاتت .. زي مابفتكر ذكريات مؤلمة .. بفتكر جدعان وقفوا في وقت الشدة 

6th of April Youth Movement – حركة شباب 6 إبريل بكل مجموعتها اللي نزلت بمجرد معرفتها بخبر القبض على علي الحلبي في كل شوارع مصر غرقتها جرافيتي بأسمه ومكتبها السياسي والإعلامي الذي عمل على قدم وساق للبحث عن سبيل للإفراج عن علي.

وخاصة: احمد ماهر – محمود عفيفي – رامي السويسي – أمل شرف – محمد سامي – عمر علي 

مصطفي ماهر مصمم جرافيتي “الحرية لعلي الحلبي” اللي اترسم في كل شوارع مصر, ويحيى الحسيني مصمم البانر الكبير اللي شيلناه في وقفة نقابة الصحفيين وغيرها. 

صفحة كلنا خالد سعيد ووائل غنيم اللي كان بيكلمني أكتر من أي واحد صاحبي عشان يطمن على القضية وساعدني كتير في مشوار ال8 أيام.

مجموعة لا للمحاكمات العسكرية للمدنيين وخاصة منى سيف ونور ايمن نور ونديم كانوا معايا من بعد القبض على علي مباشرة وحتى الإفراج عنه.

الشبكة العربية لمعلومات حقوق الإنسان وفريق العمل بها اللي تعبوا معانا جدا وكنت قاعد عندهم معظم الوقت تقريبا وكأنه بيتي وكانوا دائما مرحبين, وخاصة أستاذ جمال عيد وروضه أحمد.

Ontveg والإعلامية ريم ماجد وفريق الإعداد ببرنامج بلدنا بالمصري خاصة وائل ممدوح لأهتمامها الكبير بالقضية منذ البداية.

فريق إدارة الأزمة: محمود كمال وخالد جاد ومحمد نبيل.

شباب 6 ابريل مجموعة مدينة نصر كلهم بلا اسثناء.

المحامي المحترم جدا احمد مقلد تعب معانا جدا 

مأمور السجن اللي سمحلي إني أزور علي في فترة حبسه

في عدد كبير جدا من الناس لازم اشكرهم على وقفتهم ومساعدتهم في القضية أسف لو مكتبتش كل الناس .. أرجو اني أكون وفيتهم حقهم .. ومش هنسى أي حد وقف جنبي في الأيام دي … 

احمد عاطف صديق العمر اللي فضل معايايوميا على الرغم من انه ولا ليه في السياسه ولا كان ضد العسكر بس الحادثة فوقته.

مصطفى ملكي – خالد عبد الناصر – عمرو السيد 

وكمان مش هنسي كل واحد اتهمني وشتمني في فترة حبس علي وخاصة من اتهامني بالتسبب في حبسه أو المتاجرة بقضيته

Advertisements